Кыргызстандын архив ишинин тарыхы боюнча эссе республикалык архив ишин башкаруу органынын фондунда (Кыргыз Республикасынын Борбордук мамлекеттик архивиндеги фонд 956) сакталган архивдик документтердин, Архив агенттигинин учурдагы иш кагаздарын жүргүзүү документтеринин, басылып чыккан фотодокументтик жыйнактардын, илимий-практикалык конференциялардын жана семинар-кеңешмелердин материалдарынын, тармактык "маалыматтык бюллетендин"негизинде жазылган.
Анда көбүнесе хронологиялык ырааттуулукта Кыргызстан мамлекеттик көз карандысыздыкка ээ болгондон кийинки мезгилде мамлекеттик архив кызматынын системасында болгон окуялар жана фактылар баяндалат.
Басылмада Кыргыз Республикасынын Борбордук мамлекеттик кинофотофонодокументтер архивинин фондунан алынган фотодокументтер колдонулган.