Кыргызстандын архив кызматы 97-жылдыгын белгиледи! Салтанат бүгүн, 30-августта өттү.
Архив кызматкерлерин куттуктоо үчүн КР санариптик өнүктүрүү министринин орун басары Жазгүл Кийизбаева келди.
Министрдин орун басары архив кызматынын кызматкерлерин жана архив тармагына тиешелүү бардык адамдарды майрамы менен куттуктап, аларга жылуу сөздөрдү айтып, алардын ишинин маанисин жана өлкө үчүн архив тармагынын маанисин белгиледи.
Архив кызматынын төрагасы Мария Артелиевна жана министрдин орун басары Жазгүл Кийизбаева Архив кызматынын өзгөчөлөнгөн кызматкерлерин ведомстволук төш белги, Ардак грамота, ыраазычылык баракчалары менен белгилешти.