2026-жылдын 31-июлунда жаңы ачылган Жети-Өгүз райондук мамлекеттик архивинде Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын төрагасы Н.А. Базарбаеванын төрагалыгы алдында Архив кеңешинин жыйыны өттү.
Жыйындын жүрүшүндө төмөнкү маселелер каралды:
Архив кызматынын региондук башкармалыктарынын 2026-жылдын I жарым жылдыгындагы ишмердүүлүгүнүн жыйынтыктары;
Кыргыз Республикасында иш кагаздарын жүргүзүү боюнча Типтүү нускага өзгөртүүлөрдү жана толуктоолорду киргизүү тууралуу Кыргыз Республикасынын Министрлер Кабинетинин токтомунун долбоорун иштеп чыгуу боюнча маалымат.
Жыйындын жыйынтыгы боюнча тиешелүү чечимдер кабыл алынып, коюлган милдеттерди ишке ашыруу боюнча тапшырмалар берилди.
